“Ayaw ko na. Tama na. Tigil na.”
Mga katagang paulit-ulit kong sinasambit
Mga bagay na nais ko ng makamit
“Hirap na Hirap na ako. Pagod na ako. Hindi ko na kaya.”
Sa mata ng iba, aking landas na tinatahak ay madali
Lingid sa kanilang kaalaman ang bawat hikbi sa aking mga gabi
Pusong pumapalahaw na nawa’y lahat ng sakit ay tuluyan ng mapawi
“May pag-asa pa ba? May darating pa ba? May nakakaalam ba?”
Bagamat Sakit ay pilit paring tinatago sa liblib
Hinagpis ng damdamin ay tuloy sa pagliyab
Sa araw-araw ito’y bumabagabag
“Nais ko lamang gumaling. Nais ko lamang mawala ang karamdamang ito. Nais ko lamang mawala ang karamdamang unti-unting pinapaikli ang oras ng pagtibok ng aking puso”